श्री ज्ञानेश्वर विद्यालयात शालेय विज्ञान प्रदर्शनाचे उद्घाटन

श्री ज्ञानेश्वर विद्यालयात शालेय विज्ञान प्रदर्शनाचे उद्घाटन

विद्यार्थ्यांमध्ये विज्ञान आणि तंत्रज्ञानात स्वारस्य वाढवणे, आवडीच्या विषयात नवीन तथ्ये आणि शोध शिकण्यास प्रोत्साहित करणे, सर्जनशील प्रतिभेचे अन्वेषण करणे, चौकटीच्या बाहेर विचार करण्यास प्रोत्साहित करणे, कल्पनाशक्ती आणि वैज्ञानिक दृष्टीकोन विकसित करणे, ग्रामीण भागातील विद्यार्थ्यांच्या सुप्तगुणांना दिशा देणे, विज्ञान प्रदर्शनांचा प्राथमिक उद्देश विद्यार्थ्यांना व्यावहारिक प्रयोग आणि प्रकल्पांद्वारे विविध वैज्ञानिक संकल्पना आणि तत्त्वे शोधण्यासाठी प्रोत्साहित करणे, यामुळे पाठ्यपुस्तकांच्या पलीकडे विज्ञानाचे सखोल ज्ञान वाढवणे इ. गुणांचा विकास होण्याच्या हेतूने श्री ज्ञानेश्वर विद्यालयात संस्थेचे सचिव अजित वडगावकर यांच्या शुभ हस्ते शालेय विज्ञान प्रदर्शनाचे उद्घाटन संपन्न झाले. विज्ञान प्रदर्शनामध्ये इयत्ता पाचवी ते दहावीच्या विद्यार्थ्यांनी १३१ प्रकल्प मांडले होते. यामध्ये दळणवळण, ऊर्जा समस्या, शेती, जलशुद्धीकरण इ.विषयावर प्रकल्प मांडले. शालेय विज्ञान प्रदर्शनाच्या निमित्ताने प्रशालेमध्ये निबंध स्पर्धा, वक्तृत्व स्पर्धा व प्रश्नमंजुषा आदी स्पर्धांचे आयोजन करण्यात आले. याप्रसंगी विद्यालयाचे प्राचार्य दीपक मुंगसे, उपप्राचार्य सुर्यकांत मुंगसे, पर्यवेक्षक किसन राठोड, प्रशांत सोनवणे, अनिता पडळकर, विज्ञान विभाग प्रमुख संजय उदमले, नारायण पिंगळे, संजय कंठाळे, कल्पना घोलप, आरती वडगणे, अनुराधा खेसे, योगेश मठपती, पूजा चौधरी, पूजा कलशेट्टी, विज्ञान प्रयोगशाळा प्रमुख बाळासाहेब भोसले, अरविंद शिंदे आदी उपस्थित होते.

यावेळी अजित वडगावकर यांनी भविष्यात नक्कीच विद्यार्थ्यांमधील वैज्ञानिक दृष्टिकोन विकसित होऊन संशोधक निर्माण होतील असे मत व्यक्त केले व विद्यार्थ्यांना प्रोत्साहन देत शुभेछ्या दिल्या. तसेच दीपक मुंगसे यांनी विद्यार्थ्यांना विज्ञानाचे महत्त्व सांगितले. कार्यक्रमाचे प्रास्ताविक मनिषा पवार यांनी केले. तसेच सूत्रसंचालन योगेश मठपती यांनी केले व संजय उदमले यांनी उपस्थितांचे आभार व्यक्त केले. पसायदानाने कार्यक्रमाची सांगता झाली.