ह.भ.प. श्री श्रीमंत दादासाहेब करांडे पाटील — जन्म आणि कार्यपरिचय

ह.भ.प. श्री श्रीमंत दादासाहेब करांडे पाटील — जन्म आणि कार्यपरिचय

 ह.भ.प. श्री श्रीमंत दादासाहेब करांडे पाटील वारकरी संप्रदायाचे सेवक • उद्योजक • पत्रकार • वक्ते • समाजसेवक जन्मतारीख: २३ ऑगस्ट १९८५ जन्मभूमी: मराठवाडा, बीड जिल्हा, महाराष्ट्र. शिक्षण: बी.कॉम. ### त्यांचे प्रमुख कार्य  १. श्री संत ज्ञानोबा-तुकोबा विश्वभ्रमण दिंडी २१ नोव्हेंबर २०२२ रोजी या दिंडीची स्थापना केल्याचे त्यांच्या कार्यपरिचयात नमूद आहे. संत ज्ञानेश्वर महाराज आणि संत तुकाराम महाराज यांच्या वारकरी परंपरेचा देश-विदेशात प्रसार करणे, परदेशातील भारतीयांना महाराष्ट्राच्या भक्तिसंस्कृतीशी जोडणे हा या उपक्रमाचा उद्देश आहे. दुबई, नेपाळ, लंडन आणि जपान येथील उपक्रमांचा त्यांच्या परिचयात उल्लेख आहे.  २. ज्ञानेश्वरी लेखन व आध्यात्मिक उपक्रम संत ज्ञानेश्वर महाराजांच्या ज्ञानेश्वरी ग्रंथाचा अभ्यास, ओवीलेखन आणि विद्यार्थ्यांमध्ये वारकरी संस्कार रुजविणाऱ्या उपक्रमांना प्रोत्साहन देण्याचे कार्य. मार्च २०२६ मधील एका प्रकाशित वृत्तानुसार, त्यांच्या संकल्पनेतून विद्यार्थ्यांनी सामूहिक हस्तलिखित ज्ञानेश्वरी तयार करण्याच्या उपक्रमात सहभाग घेतला.  ३. भाषणकला, संभाषणकला आणि नेतृत्व प्रशिक्षण तरुण, विद्यार्थी आणि सामान्य नागरिकांना आत्मविश्वासाने बोलणे, प्रभावी संवाद साधणे आणि नेतृत्वगुण विकसित करणे यासाठी मार्गदर्शन. त्यांच्या नावाने भाषणकला व संभाषणकलेच्या प्रशिक्षण उपक्रमांची ऑनलाइन माहितीही उपलब्ध आहे.  ४. पत्रकारिता आणि डिजिटल माध्यम मी २४ तास डिजिटल मीडिया या माध्यमाशी संबंधित कामातून स्थानिक प्रश्न, सामाजिक उपक्रम आणि जनहिताच्या विषयांना व्यासपीठ देण्याचा प्रयत्न. त्यांच्या ऑनलाइन कार्यपरिचयात त्यांची माध्यमप्रमुख म्हणून ओळख नमूद आहे.  ५. अध्यात्म, योग आणि समाजसेवा वारकरी संप्रदायाचा प्रसार, संतविचारांचा प्रचार, योग व व्यक्तिमत्त्व विकास, तसेच सामाजिक आणि सांस्कृतिक उपक्रमांमध्ये सहभाग. त्यांच्या प्रकाशित परिचयात उद्योजक, कलाकार, सूत्रसंचालक आणि आध्यात्मिक कार्यकर्ता अशा विविध भूमिका नमूद आहेत. ### त्यांच्या कार्यामागील विचार संत ज्ञानेश्वर महाराज आणि संत तुकाराम महाराज यांच्या विचारांतून प्रेरणा घेऊन भक्ती, ज्ञान, सेवा आणि समाजप्रबोधन यांचा संगम घडविणे, तसेच भाषणकला, संभाषणकला आणि नेतृत्वकौशल्य यांच्या माध्यमातून व्यक्तीचा आत्मविश्वास वाढविणे, हा त्यांच्या कार्याचा केंद्रबिंदू असल्याचे त्यांच्या प्रकाशित परिचयातून दिसते. महत्त्वाची नोंद: जन्मतारीख वरील चरित्रमाहितीनुसार दिली आहे. कार्याविषयी काही माहिती त्यांच्या स्वतःच्या ऑनलाइन परिचयातून आणि प्रकाशित वृत्तांतून घेतली आहे; स्वतंत्रपणे पडताळलेले सार्वजनिक दस्तऐवज सर्व बाबींसाठी उपलब्ध आहेत, असा दावा येथे केलेला नाही.

अलंकापुरीत माऊलींचे पालखीचे हरिनाम गजरात सीमोल्लंघन

श्रीरामाची पालखी, श्री स्वामींची पालखी,श्री भैरवनाथ महाराज पालखीचे स्वागत उत्साहात श्री खंडोबाचे माळरान भाविकांचे गर्दीने फुलले आळंदी / प्रतिनिधी : येथील खंडोबाचे माळरानावर माउलीचे पालखीसह श्री रामाची पालखी, श्री नरसिव्ह सरस्वती स्वामी महाराज पालखी, श्री भैरवनाथ महाराज ग्रामदैवत पालखी हरीनाम गजरात विजया दशमी दिनी सीमोल्लंघन उत्साहात झाले. श्रींचे सीमोल्लंघन प्रसंगी भाविक, नागरिकांनी पालखीतील श्रींचे दर्शनासह श्री खंडोबा देवदर्शनास गर्दी केली.

परंपरेने खंडोबा मंदिर माळरानावर या प्रसंगी आळंदी देवस्थानचे विश्वस्त पुरुषोत्तम महाराज पाटील, योगी निरंजनाथ यांनी मंदिरात पहाटे पूजा विधी आदींसह व्यवस्थापक ज्ञानेश्वर वीर, आळंदी खंडोबा मंदिरात आळंदी ग्रामस्थ, नगारखाना प्रमुख सचिन रानवडे, श्रींचे सेवक चोपदार राजाभाऊ रंधवे, बाळासाहेब रणदिवे, स्वामींचे पुजारी मुकुंदकाका गांधी, माऊलींचे मानकरी बाळासाहेब कुऱ्हाडे, संतोष मोझे, योगेश आरू, मंगेश आरु, माजी नगरसेवक प्रकाश कुऱ्हाडे, नंदकुमार कुऱ्हाडे, पालखी सोहळ्याचे मालक बाळासाहेब आरफळकर, राजेंद्र आरफळकर, माजी नगराध्यक्ष राहुल चिताळकर पाटील यांचे सह आळंदीतील विविध मंदिर देवस्थानचे प्रमुख पदाधिकारी, ग्रामस्थ,भाविक तसेच वारकरी उपस्थित होते. श्री खंडोबा मंदिर माळरानावर परंपरेने शहरातून नागरिक, भाविक श्रीचे पालखीचे दर्शनास गर्दी केली. टाळ, मृदंग,वीणेच्या त्रिनादात दिड्यातील भाविक श्रींचे पालखीसह नामजयघोष करीत श्री खंडोबाचे दर्शनासह श्रींचे पालखी दर्शन आणि सीमोल्लंघनास उपस्थित होते. श्री खंडोबा मंदिर प्रांगणात सर्व श्रींचे पालख्यांचे दर्शनास भाविकांनी मोठी गर्दी केली. नगराध्यक्ष प्रशांत कुऱ्हाडे, नगरसेवक सोमनाथ कुऱ्हाडे, गोविंद कुऱ्हाडे, ज्येष्ठ नागरिक बबनराव कुऱ्हाडे पाटील, सतीश कुऱ्हाडे, महेश कुऱ्हाडे, कुऱ्हाडे पाटील ग्रामस्थ यांनी सोहळ्यासह मान्यवर पदाधिकारी, संस्थांनचे विश्वस्त, व्यवस्थापक, सेवक यांचे स्वागत केले. विजया दशमी निमित्त माउली मंदिरात पहाटे घंटानाद, काकडा आरती, पवमान अभिषेक पूजा, भाविकांच्या महीम्न पुजा, अभिषेक, भाविकांचे श्रीचे संजीवन समाधी दर्शन,श्रीना महानैवेध्य, माउलीचे बागेत शमी पूजन, विना मंडपात प्रवचन सेवा उत्साहात झाली. श्रीचे पालखीचे शाही लवाजम्यासह सीमोल्लंघनास हरिनाम गजरात विविध मंदिरातून प्रस्थान झाले. आळंदी देवस्थानतर्फे श्रींची पालखी मंदिरात परत आल्यानंतर धुपारती त्यानंतर श्रीची नित्य नैमितिक पूजा आरती, विजया दशमी निमित्त आळंदीतील श्री रामाची, श्री स्वामी महाराज यांचे पालखीची मंदिर प्रदक्षिणा आणि मंदिरात आगमना उत्साहात झाले. विजयादशमी दसरा आणि नवरात्रीतील प्रथा परंपरांचे पालन करीत आळंदीत संस्कृती जोपासण्यास प्राधान्य देण्यात आले. सोन्याचे प्रतिक असलेली आपट्याची पाने भाविक, नागरिकांनी एकमेकांना देत चांगले विचार जोपासण्याचा संदेश दिला. आळंदीतील मंदिरात भाविकांनी दर्शनास तसेच प्रागंणात नव्या गाड्यांचे पूजनास गर्दी केली. श्रींचे सीमोल्लंघन प्रसंगी श्रींचे पालख्यान समोर भजन, अभंग, आरतीत भाविक तल्लीन झाले. नागरिकांनी यावेळी उत्स्फूर्त दाद दिली. श्रींचे पालखी मार्गावर दुतर्फा नागरिकांनी श्रींचे दर्शन घेतले. येथील भाईचारा फाउंडेशन कार्याध्यक्ष सुलतान शेख, राजेंद्र धोका परिवार, आळंदीकर ग्रामस्थ श्री खंडोबा मंदिर आदी यांनी पालख्याचे स्वागत केले. या वेळी क्रांती पार्क मधील नागरिक उपस्थित होते. आळंदीत विविध ठिकाणी विजया दशमी दसरा निमित्त नवोपक्रमांची सुरुवात झाली. विविध व्यापारी आस्थापनां मध्ये गृहोपयोगी वस्तूंचे खरेदीस ग्राहकांनी मोठी गर्दी केली. आळंदी तीर्थक्षेत्रात परंपरेचे पालन करीत विजया दशमी साजरी करण्यात आली. सीमोल्लंघन प्रसंगी भाविकांनी सोन्याचे प्रतीक असलेली आपट्याची पाने भेट देत एकमेकांना आलिंगन देत गळा भेट घेत उत्साहात शुभेच्छा दिल्या. आळंदी येथील पद्मावतीदेवी मंदिरात प्रथा परंपरांचे पालन करीत नवरात्रोत्सव उत्साहात पार पडला. यावेळी आळंदी देवस्थान यांनी भाविकांचे स्वागत करीत सेवासुविधा देत कमी वेळेत भाविक, महिला, पुरुषांना देवदर्शनची व्यवस्था करण्यास दहा दिवस परिश्रम घेतले. आळंदीतील सीमोल्लंघनात श्रींचे पालखी दर्शनास भाविकांची मोठी गर्दी झाली होती. श्री आवेकर भावे रामचंद्र संस्थान ट्रस्ट श्री राम मंदिर येथून श्री रामाची पालखी हरिनाम गजरात काढण्यात आली. या वेळी माजी ज्येष्ठ विश्वस्त बिपीन चौबे, प्रमुख विश्वस्त ॲड राहुल आवेकर, विश्वस्त अर्जुन मेदनकर, अविनाश गुळुंजकर, चिन्मय चौबे, रमेश मसुडगे, लक्ष्मीकांत दंडनाईक, महेश आयचित,सेवक लक्ष्मण मेदनकर, राजेंद्र जाधव, सचिन तापकीर, डी डी घुंडरे पाटील, योगेश आरू, गोविंद ठाकूर पाटील, विश्वकर्मा महाराज पांचाळ, स्वकाम सेवा मंडळ सेवक, शिवतेज मित्र मंडळ कार्यकर्ते, श्री रामकृष्ण वारकरी शिक्षण संस्थेचे साधक, विविध वारकरी शिक्षण संस्थांतील साधक मान्यवर आदी उपस्थित होते. विविध धार्मिक उपक्रमांचे माध्यमातून विजया दशमी दसरा सण उत्साहात साजरा झाला. श्री भैरवनाथ महाराज पालखीचे स्वागत करण्यात आले. यावेळी भैय्या वाघमारे, उत्सव कमिटी अध्यक्ष शंकरराव कुऱ्हाडे, सौरभ गव्हाणे, सतीश कुऱ्हाडे, उमेश कुऱ्हाडे, समीर कुऱ्हाडे, योगीराज कुऱ्हाडे, पुरुषोत्तम महाराज पाटील, प्रमुख विश्वस्त डॉ. भावार्थ देखणे, थोरल्या पादुका देवस्थान अध्यक्ष ॲड. विष्णू तापकीर, नरहरी महाराज चौधरी आदी मान्यवर उपस्थित होते. आळंदीतील सर्व पालखी मिरवणुकीचे वेगवेगळे मार्ग आणि निघण्याची ठिकाणे वेगवेगळी असल्याने आळंदी पोलिस स्टेशनचे वतीने वरिष्ठ पोलिस निरीक्षक भीमा नरके, पोलिस नाईक मच्छिंद्र शेंडे यांनी विशेष बैठक घेऊन मिरवणुकीचे मार्गावर पालखी मिरवणूक प्रसंगी पोलिस बंदोबस्त देऊन सुरळीत मिरवणूक व्हावी यासाठी विशेष परिश्रम घेतले. यामुळे मिरवणुकीचे मार्गावर रहदारीला, मिरवणुकीला वाहतूक कोंडीचा त्रास झाला नाही. सुरळीत, सुरक्षित श्रींचे पालखींची मिरवणूक हरिनाम गजरात पार पडली.

नानाश्री लॉन्स ते कृष्णा आयकॉन रस्त्याच्या कामाला सुरुवात; शेतकरी, ग्रामपंचायत आणि प्रशासनाच्या सहकार्याचे कौतुक!

मी 24 तास डिजिटल मीडिया www.mee24taas.com | विशेष वृत्त नानाश्री लॉन्स ते कृष्णा आयकॉन रस्त्याच्या कामाला सुरुवात; शेतकरी, ग्रामपंचायत आणि प्रशासनाच्या सहकार्याचे कौतुक!

रस्त्याच्या कामादरम्यान जेसीबीच्या साहाय्याने सुरू असलेले काम. चरोली खुर्द, घोलप वस्ती : नानाश्री लॉन्स ते कृष्णा आयकॉन या मार्गावरील रस्त्याची दुरवस्था आणि खड्ड्यांच्या समस्येमुळे नागरिकांना त्रास सहन करावा लागत होता. या पार्श्वभूमीवर रस्त्याचे काम सुरू झाल्याने नागरिकांना दिलासा मिळण्याची अपेक्षा व्यक्त होत आहे. या कामासाठी सहकार्य करणारे शेतकरी, ग्रामपंचायत पदाधिकारी आणि प्रशासनातील संबंधित व्यक्तींचे आभार मानण्यात आले आहेत.

ग्रामसेवक बाळासाहेब बिंदळे यांच्या सहकार्याचे विशेष कौतुक सदैव विकासकामांसाठी पुढाकार घेणारे, कोणत्याही परिस्थितीत काम पूर्ण करण्यासाठी प्रयत्नशील राहणारे आणि प्रशासनाच्या माध्यमातून नागरिकांच्या समस्या सोडविण्यासाठी कार्यरत असणारे ग्रामसेवक श्री. बाळासाहेब बिंदळे यांचे विशेष आभार व्यक्त करण्यात आले आहेत. ### शेतकरी बांधवांच्या सहकार्याची भूमिका महत्त्वाची रस्त्याच्या कामासाठी सहकार्य करणारे संतोष घोलप, शुभम घोलप, ह. भ. प. श्री नितीनजी लोंढे, माऊली संस्थांचे विश्वस्त ह. भ. प. श्री निलेश महाराज लोंढे आणि कबीरबुवा यांचे आभार मानण्यात आले. तसेच प्रत्यक्ष कामाच्या ठिकाणी उपस्थित राहून कामाचा पाठपुरावा करणारे रमेशजी थोरवे, परशुरामजी (भाऊ) ठाणगे, गोविंदजी घोलप, राहुलजी घोलप आणि सर्व शेतकरी बांधवांचे कौतुक करण्यात आले. रस्त्याच्या कामाचा निधी परत जाऊ नये म्हणून आवश्यक कागदपत्रांची जमवाजमव करून पाठपुरावा करणारे सरपंच रविशेठ कुऱ्हाडे, रणजितजी पगडे आणि प्रतापजी थोरवे यांचेही विशेष आभार व्यक्त करण्यात आले. ### कचऱ्यामुळे होणारे नुकसान आणि धोकादायक कंपाउंडचा प्रश्न कायम रस्त्याच्या कामासोबतच तनिषभक्ती सोसायटीच्या कचऱ्यामुळे शेतकऱ्यांना होणारा त्रास, शेतीचे नुकसान आणि संतोष घोलप यांच्या शेतालगत असलेल्या धोकादायक कंपाउंडचा प्रश्नही उपस्थित करण्यात आला आहे. संबंधित सोसायटी व्यवस्थापनाने कंपाउंडची तातडीने दुरुस्ती करावी, शेतकऱ्यांच्या नुकसानीची पाहणी करून नुकसानभरपाईबाबत निर्णय घ्यावा आणि शेतात कचरा टाकला जाणार नाही, यासाठी कायमस्वरूपी उपाययोजना करावी, अशी मागणी करण्यात आली आहे. या मागण्यांवर तीन ते चार दिवसांत ठोस निर्णय घेण्याची विनंती करण्यात आली आहे. श्रीमंत दादासाहेब करांडे पाटील यांचे आवाहन ह. भ. प. श्री श्रीमंत दादासाहेब करांडे पाटील यांनी रस्त्याच्या कामासाठी सहकार्य करणाऱ्या सर्वांचे आभार मानले. विकासकामे पूर्ण होत असताना शेतकऱ्यांच्या हिताचेही संरक्षण झाले पाहिजे. नागरिकांच्या समस्या संवादातून सोडवून परिसराचा विकास साधावा, अशी अपेक्षा त्यांनी व्यक्त केली. “रस्त्याचा विकास आणि शेतकऱ्यांना न्याय या दोन्ही गोष्टी महत्त्वाच्या आहेत. सर्वांनी सहकार्याची भावना जपत प्रश्नांवर कायमस्वरूपी तोडगा काढावा,” असे आवाहन करण्यात आले. ### मी 24 तास डिजिटल मीडिया बातमी : विशेष वृत्त वेबसाइट: www.mee24taas.com

गणेशनाथ महाराज संस्थानतर्फे कॅबिनेट मंत्री तथा पालकमंत्री रायगड जिल्हा श्री भरतशेट गोगावले यांचा भव्य नागरी सत्कार व भूमिपूजन सोहळा उत्साहात

सद्गुरूस्वामी तपोनिधी श्री गणेशनाथ म. ४२ वा समाधी सोहळा संपन्न.

नीतिमत्तेने काम करीत राहिल्यास अडचण येत नाही- भरत गोगावले. चांगले कार्य करीत असल्यास कोणाला घाबरण्याची गरज नाही.-भरत गोगावले. दिवेआगार दुर्घटनेतील कुटुंबीयांना मुख्यमंत्री सहाय्यता मदत निधीतून मदत करणार -भरत गोगावले आळंदी देवाची, दि. ६ ऑक्टोबर २०२६ : सद्गुरू स्वामी श्री गणेशनाथ महाराज समाधी सोहळा हजारो वारकऱी भक्तांच्या भक्तिमय वातावरणात संपन्न झाला. यानिमित्ताने अखंड हरिनाम सप्ताहाचे आयोजन केली होते. श्री गणेशनाथ महाराज संस्थान यांच्या वतीने महाराष्ट्र राज्याचे कॅबिनेट मंत्री तथा रायगड जिल्ह्याचे पालकमंत्री नैतिकतेचा वारसा जपणारे श्री. भरतशेट विठाबाई मारुती गोगावले (रोजगार हमी योजना,फलोत्पादन व खारभूमी विकास मंत्री)यांचा भव्य नागरी सत्कार तसेच भूमिपूजन सोहळा मोठ्या उत्साहात आणि भक्तिमय वातावरणात संपन्न झाला. या कार्यक्रमाचे प्रमुख म्हणून श्री गणेशनाथ महाराज संस्थानचे संस्थापक अध्यक्ष, सद्गुरूस्वामी श्री अरविंदनाथजी म., विश्वस्त ज्ञानेश्वर महाराज संस्थान, आळंदी देवाची येथील कबीर परंपरेचे श्री चैतन्य महाराज लोंढे (कबीर बुवा) यांची प्रमुख उपस्थिती लाभली. यावेळी श्री अजितजी वडगावकर, श्री ज्ञानेश्वर शिक्षण संस्था सचिव, आळंदी देवाची, महाडचे उपसभापती श्री. सुरेश महाडिक, समाजसेवक श्री. अनिलशेट वडगावकर, यांच्यासह विविध मान्यवर उपस्थित होते. श्री गणेशनाथ महाराज संस्थानच्या कार्याशी जोडलेले वीस हजारांहून अधिक साधक, नामधारक, भाविक तसेच संस्थेच्या विद्यालयातील शिक्षक व विद्यार्थी मोठ्या संख्येने उपस्थित होते. त्यामुळे संपूर्ण परिसरात भक्तिमय व उत्साहाचे वातावरण निर्माण झाले होते. कार्यक्रमाच्या निमित्ताने सकाळी ढोल-ताशांच्या गजरात मिरवणूक काढण्यात आली. पारंपरिक वाद्यांच्या निनादात झालेल्या या मिरवणुकीने कार्यक्रमाची शोभा वाढली. त्यानंतर मान्यवरांच्या उपस्थितीत भूमिपूजनाचा कार्यक्रम पार पडला. यावेळी उपस्थित मान्यवरांनी श्री गणेशनाथ महाराज संस्थानच्या धार्मिक, आध्यात्मिक, सामाजिक व शैक्षणिक कार्याचा गौरव केला. संस्थानच्या माध्यमातून विविध भागांमध्ये सुरू असलेल्या अध्यात्मिक व समाजोपयोगी उपक्रमांमध्ये साधक व भाविकांचे योगदान उल्लेखनीय असल्याचे मत मान्यवरांनी व्यक्त केले. या संपूर्ण कार्यक्रमाचे सूत्रसंचालन ह. भ. प. श्री. संजय म.घाडगे यांनी केले..

एकादशी दिनी आळंदीत भाविकांची दर्शनास गर्दी श्रींचे गाभाऱ्यात पुष्प सजावट लक्षवेधी

इंद्रायणी आरतीस महिला भाविकांचा प्रतिसाद आळंदी ( अर्जुन मेदनकर ) : येथील परिवर्तिनी एकादशी दिनी माऊली मंदिरात भाविकांनी श्रींचे दर्शनास गर्दी केली. परंपरेने विविध धार्मिक कार्यक्रमांतुन मंदिरात एकादशी उत्साहात साजरी करण्यात आली. पन्नास हजारावर भाविकांनी श्रींचे दर्शनास गर्दी करून दर्शन घेतले.

एकादशी दिनी मंदिर आणि नगरप्रदक्षिणा करीत भाविकांनी हरिनाम गजरात श्रींचे दर्शन घेतले. मंदिरात लक्षवेधी पुष्प सजावटीने श्रींचे रूप लक्षवेधी दिसत होते. आळंदी ग्रामस्थ व महिला भाविकांची इंद्रायणी आरतीस गर्दी झाली होती. आळंदी मंदिरात भाविकांनी परिवर्तिनी एकादशीस गर्दी करीत श्रींचे दर्शन घेतले. एकादशी दिनी श्रींचे मंदिरात पहाटे वेदमंत्र जयघोषात पवमान अभिषेक करण्यात आल्याचे आळंदी देवस्थांनचे व्यवस्थापक माऊली वीर यांनी सांगितले. भाविकांना श्रींचे मंदिर दर्शनास कमी वेळेत जास्त भाविकांना दर्शनाची व्यवस्था करण्यात आली होती. भाविकांनी मंदिर परिसरात रांगा लावून दर्शन घेतले. दुपारचा महानैवेद्य, वारकरी शिक्षण संस्थेचे वतीने परंपरेने प्रवचन, कीर्तन, रात्री धुपारती, शेजारती, हरिजागर झाला. श्रींचे दर्शन, प्रदक्षिणा पूर्वी भाविकांनी इंद्रायणी नदी घाटावर स्नानास गर्दी केली. आळंदी मंदिरात भाविकांनी धुपारतीस देखील गर्दी केली. मंदिरात परंपरेने धार्मिक उपचार श्रीची पूजा, आरती, फराळाचा महानैवेद्य आदी धार्मिक कार्यक्रम झाले. भाविकांची कमी वेळेत जास्तीत जास्त भाविकांना दर्शनास सुलभ व्यवस्था व्यवस्थापक माऊली वीर यांचे नियंत्रणात करण्यात आली. यावेळी सुरक्षा रक्षक, सेवक आणि मंदिरातील बंदोबस्तावरील पोलिसांनी विशेष परिश्रम घेतले. यासाठी आळंदी पोलीस स्टेशनचे वरिष्ठ पोलीस निरीक्षक भीमा नरके, वाहतूक पोलीस शाखेचे वरिष्ठ पोलीस निरीक्षक विनोद पाटील, पोलीस नाईक मछिंद्र शेंडे आदींनी बंदोबस्ताचे सुरळीत, सुरक्षिततेसाठी नियोजन केले. आळंदीतील रहदारीची वर्दळ पाहता येथे वाहतुकीचे केलेले प्रभावी नियोजन यामुळे भाविक, नागरिक यांना वाहतुकीचे कोंडीतून राहत मिळाली. आळंदी पोलिसांनी रस्त्यावरील बेकायदेशीर पार्किंग केलेल्या गाडयांना प्रभावी कारवाई करण्यात आली. यामुळे आळंदीत नागरिक, व्यापारी, पोलीस मित्र यांनी पोलीस प्रशासनाच्या कार्याचे कौतुक केले. अलंकापुरीत एकादशी निमित्त इंद्रायणी नदी घाटाची स्वच्छता ; इंद्रायणीची आरती तीर्थक्षेत्र आळंदी ग्रामस्थ इंद्रायणी आरती ग्रुप, राजमाता जिजाऊ महिला प्रतिष्ठान, महिला बचत गट सदस्य, पदाधिकारी, महिला मंडळ तसेच आळंदी ग्रामस्थ यांचे वतीने इंद्रायणी नदी घाटावर घाट स्वच्छता करीत इंद्रायणीची आरती हरिनाम गजरात झाली. एकादशी दिनी इंद्रायणीच्या आरती करून नदी घाट स्वच्छता करीत सामाजिक बांधिलकी जोपासल्याचे राजमाता जिजाऊ महिला प्रतिष्ठान अध्यक्षा अनिता झुजम यांनी सांगितले. यावेळी या प्रसंगी इंद्रायणी आरती सेवा समिती संयोजक अर्जुन मेदनकर, संयोजक अनिताताई झुजम, सरस्वती भागवत, अनिता शिंदे, नंदा भांबरे, कौसल्या देवरे, सुवर्णा काळे, तेजस्विनी काळे, उषाबाई पाटील, विमल मुसळे, सुरेखा कुऱ्हाडे, सावित्रा घुंडरे, पुष्पा लेंडघर, काशीबाई अडकिने, तारामती गोरे, जयश्री भागवत, स्वाती सावंत, गोविंद ठाकूर आदींसह भाविक, वारकरी उपस्थित होते.

ढोल-ताशांच्या गजरात श्री ज्ञानेश्वर शिक्षण संस्थेत गणरायाचे आगमन

‘शिस्त–स्वच्छता–गुणवत्ता’ या त्रिसूत्रीवर आधारित आकर्षक देखावा; विविध शैक्षणिक व सांस्कृतिक उपक्रमांचे आयोजन

आळंदी : आळंदी येथील श्री ज्ञानेश्वर शिक्षण संस्था संचलित श्री ज्ञानेश्वर विद्यालय व ज्युनिअर कॉलेज, श्री ज्ञानेश्वर प्राथमिक विद्यामंदिर आणि श्री ज्ञानेश्वर बालक मंदिर येथे श्री गणेश चतुर्थीच्या मंगलमय मुहूर्तावर ढोल-ताशांच्या गजरात गणरायाचे उत्साहात आगमन झाले. संस्थेचे सचिव मा. श्री. अजित वडगांवकर यांच्या हस्ते श्री गणेशमूर्तीची विधिवत प्रतिष्ठापना करण्यात आली. गणेशोत्सवानिमित्त प्रशालेत अष्टविनायक गणपतींची माहिती तसेच संस्थेची त्रिसूत्री **‘शिस्त–स्वच्छता–गुणवत्ता’** यावर आधारित आकर्षक देखावा उभारण्यात आला आहे. उत्सवाच्या कालावधीत भजन, गीतगायन, निबंधलेखन, वक्तृत्व व चित्रकला अशा विविध शैक्षणिक आणि सांस्कृतिक उपक्रमांचे आयोजन करण्यात आले आहे. तसेच महिला कर्मचाऱ्यांच्या सहभागातून सामूहिक अथर्वशीर्ष पठणही करण्यात येणार आहे. यावेळी संस्थेचे सचिव अजित वडगांवकर यांनी गणेशोत्सवाचे महत्त्व विशद केले. “कोणत्याही मंगलकार्याची सुरुवात श्री गणरायाला वंदन करून केली जाते. संतश्रेष्ठ श्री ज्ञानेश्वर माऊलींच्या ज्ञानेश्वरीची सुरुवातही गणरायाला वंदन करूनच झाली आहे,” असे त्यांनी सांगितले. गणेशोत्सवाच्या माध्यमातून विद्यार्थ्यांमध्ये संस्कार, संस्कृती, शिस्त आणि सामाजिक बांधिलकीची भावना वृद्धिंगत व्हावी, अशी अपेक्षा त्यांनी व्यक्त केली. याप्रसंगी प्राचार्य किसन राठोड, मुख्याध्यापक प्रदीप काळे, उपप्राचार्य प्रशांत सोनवणे, पर्यवेक्षिका हेमांगी कारंजकर, शिक्षक प्रतिनिधी प्रमोद कुलकर्णी, शिक्षकेतर प्रतिनिधी सुजाता रंधवे यांच्यासह शिक्षक-शिक्षकेतर कर्मचारी व विद्यार्थी मोठ्या संख्येने उपस्थित होते. गणरायाची आरती झाल्यानंतर प्रसादाचे वाटप करण्यात आले. पसायदानाने कार्यक्रमाची मंगलमय सांगता झाली.

श्री ज्ञानेश्वर विद्यालयात शिक्षक दिनी विद्यार्थ्यांनी सांभाळली शाळेची धुरा!

शिक्षकांच्या भूमिकेत विद्यार्थ्यांचा उत्स्फूर्त सहभाग; अध्यापनाचा प्रत्यक्ष अनुभव घेतला

श्री ज्ञानेश्वर शिक्षण संस्था संचलित श्री ज्ञानेश्वर विद्यालयात शिक्षक दिन उत्साहपूर्ण व आगळ्यावेगळ्या पद्धतीने साजरा करण्यात आला. शिक्षक दिनाचे औचित्य साधून विद्यार्थ्यांनी शिक्षकांची भूमिका स्वीकारत शाळेच्या दैनंदिन शैक्षणिक कामकाजाची धुरा सांभाळली. विद्यार्थी मुख्याध्यापिका राधिका फपाळ, विद्यार्थी उपमुख्याध्यापिका संस्कृती नवले, विद्यार्थी पर्यवेक्षिका गायत्री जोशी, श्रावणी बांडगे, साक्षी लहाने पर्यवेक्षक लोकेश भंगाळे, कृष्णा शिंदे, विशेष वाघ व विद्यार्थी शिक्षक - शिक्षिका यांनी आपल्या भूमिका यशस्वी पार पाडत यावर्षी प्रशालेने निश्चित केलेली ‘शिस्त, स्वच्छता व गुणवत्ता’ ही त्रिसूत्री विद्यार्थ्यांनी दिवसभर तंतोतंत अमलात आणत शिक्षक दिनाच्या उपक्रमाला विशेष उंची प्राप्त करून दिली. विद्यार्थ्यांना प्रत्यक्ष अध्यापनाचा अनुभव मिळावा आणि शिक्षकांच्या जबाबदारीची जाणीव व्हावी, या उद्देशाने हा उपक्रम राबविण्यात आला. या उपक्रमात विद्यार्थ्यांनी विविध वर्गांमध्ये जाऊन अध्यापन केले, विद्यार्थ्यांशी संवाद साधला, प्रश्नोत्तरे घेतली तसेच वर्गव्यवस्थापनाचा अनुभव घेतला. शिक्षकाची भूमिका पार पाडताना विद्यार्थ्यांमध्ये कमालीचा उत्साह आणि आत्मविश्वास दिसून आला. आपल्या आवडत्या शिक्षकांप्रमाणे शिकवण्याचा प्रयत्न करताना विद्यार्थ्यांनी शिस्त, संयम आणि जबाबदारीचे महत्त्वही अनुभवले. राधिका फफाळ हिने प्रास्ताविकामधून कार्यक्रमाची रूपरेषा स्पष्ट केली. संस्कृती नवले, वैष्णवी जाधव, गायत्री खेडकर, स्वागत कोकितकर यांनी आजच्या दिवसाचे अनुभव व्यक्त करत ‘शिक्षक होणे म्हणजे केवळ शिकवणे नव्हे, तर विद्यार्थ्यांना घडविण्याची मोठी जबाबदारी आहे,’ याची जाणीव या उपक्रमातून झाल्याचे सांगितले. संस्थेचे सचिव अजित वडगावकर, विद्यालयाचे प्राचार्य किसन राठोड यांनी विद्यार्थ्यांच्या या अभिनव उपक्रमाचे कौतुक करून त्यांना मार्गदर्शन केले. याप्रसंगी उपप्राचार्य प्रशांत सोनवणे, पर्यवेक्षिका हेमांगी उपरे, सर्व शिक्षक - शिक्षकेतर कर्मचारी, विद्यार्थी आदी उपस्थित होते. कार्यक्रमाचे सूत्रसंचालन आदिती घुंडरे व श्रेया घुंडरे यांनी केले. व उपस्थित सर्वांचे आभार गायत्री जोशी हिने व्यक्त केले. शिक्षकांच्या कार्याचा अनुभव देणारा आणि विद्यार्थ्यांमध्ये नेतृत्वगुण, आत्मविश्वास व जबाबदारीची भावना निर्माण करणारा हा उपक्रम संस्मरणीय ठरला. सदर कार्यक्रम यशस्वी करण्यासाठी नारायण पिंगळे, विठ्ठलदास गुट्टे, संदीप वालकोळी, श्रीकांत घुंडरे, योगेश मठपती, सूर्यकांत खुडे, रामदास वहिले यांनी सहकार्य केले.

आदर्श शिक्षिका.सौ.शैला मुकुंद गावडे(जांभळकर)यांना पुणे जिल्हा परिषदेचा शिक्षक प्रथम पुरस्कार

खेड तालुक्यातील जि.प.प्राथमिक.आदर्श शाळा धानोरे,येथे कार्यरत असणा-या..आदर्श शिक्षिका.सौ.शैला मुकुंद गावडे(जांभळकर)यांना पुणे जिल्हा परिषदेचा..सन 2025-2026चा जिल्हा आदर्श शिक्षक *प्रथम* पुरस्कार प्राप्त झाला.

महाराष्ट्र राज्याच्या प्रथम महिला उपमुख्यमंत्री..तथा पुणे जिल्हा पालकमंत्री..मा.श्रीम.सुनेत्रावहिणी अजितदादा पवार यांच्या हस्ते...गणेश कला क्रीडा मंच..पुणे या ठिकाणी मान्यवरांच्या उपस्थितीत सोहळा संपन्न झाला..कार्यक्रम प्रसंगी पणे जि.प अध्यक्ष मा.श्री.वीरधवल जगदाळे,उपाध्यक्ष तथा सभापती मा.श्री.विवेक वळसे पाटील..पुणे जि.प .मुख्य कार्यकारी अधिकारी.मा .श्री गजानन पाटील साहेब,तसेच पुणे जि.प.शिक्षणाधिकारी मा.ललिता दिहितुले मॅडम ,माध्यमिक शिक्षणाधिकारी मा.श्री.भाऊसाहेब कारेकर साहेब..तसेच शाळेचे मुख्याध्यापक मा.लोखंडे सर..शाळा व्यवस्थापन समिती ,सरपंच मा.संतोष गावडे व समस्त ग्रामस्थ धानोरे..उपस्थित होते

सुबोध भावे यांची प्रमुख भूमिका असलेल्या ‘श्री बाबा नीब करोरी महाराज’ चित्रपटाला उदंड प्रतिसाद; प्रेक्षकांकडून आध्यात्मिक गाभा आणि दमदार अभिनयाचे कौतुक

पुणे: २९ मे २०२६ रोजी प्रदर्शित झालेल्या ‘श्री बाबा नीब करोरी महाराज’ या चित्रपटाला प्रेक्षकांकडून अत्यंत हृदयस्पर्शी प्रतिसाद मिळत आहे. चित्रपटातील आध्यात्मिक खोली, भावस्पर्शी कथाकथन आणि प्रामाणिक अभिनयाचे प्रेक्षक मनापासून कौतुक करत आहेत. आदरणीय नीम करोली बाबा यांचे जीवन, त्यांची शिकवण आणि त्यांचा वारसा अत्यंत भक्तीभावाने व अस्सलतेने मोठ्या पडद्यावर मांडल्याबद्दल सोशल मीडियावर प्रेक्षक या चित्रपटाची भरभरून प्रशंसा करत आहेत.

नीम करोली बाबा यांची भूमिका साकारणारे अभिनेते सुबोध भावे यांच्यावर विशेष कौतुकाचा वर्षाव होत आहे; त्यांनी साकारलेली ही भूमिका अत्यंत शांत, तल्लीन आणि मनाचा ठाव घेणारी असल्याचे प्रेक्षक म्हणत आहेत. आपल्या दमदार अभिनयासाठी आणि चरित्रपटांमधील भूमिकांसाठी ओळखल्या जाणाऱ्या भावे यांनी या आध्यात्मिक व्यक्तिमत्त्वात केलेले रूपांतर प्रेक्षकांच्या मनाला खोलवर भिडले आहे. ही भूमिका स्वीकारण्याबाबत यापूर्वी बोलताना सुबोध भावे यांनी सांगितले होते, "जेव्हा शरदजींना हा चित्रपट बनवायचा होता, तेव्हा ते गेल्या ४-५ वर्षांपासून त्यावर काम करत होते. त्यांनी यापूर्वीही कलाकार आणि तंत्रज्ञांची टीम एकत्र आणण्याचा प्रयत्न केला होता, पण तो यशस्वी झाला नाही. जानेवारी २०२५ मध्ये, एका लेखक मित्राद्वारे मला समजले की शरदजींना मला भेटायचे आहे. जेव्हा आमची भेट झाली, तेव्हा त्यांनी मला बाबांवर चित्रपट बनवण्याबाबतची त्यांची संकल्पना (व्हिजन) सांगितली आणि ही भूमिका मीच साकारवी अशी इच्छा व्यक्त केली. त्या वेळी, मला बाबांबद्दल फारशी माहिती नव्हती—मी केवळ त्यांचा एक फोटो पाहिला होता आणि त्यांच्याबद्दल केवळ ओझरते ऐकले होते. शरदजींच्या माध्यमातूनच मला बाबांचा आणि त्यांच्या जीवनाचा खऱ्या अर्थाने परिचय झाला." एका संताची भूमिका साकारण्याबाबत विचार मांडताना भावे यांनी या गोष्टीवर विशेष भर दिला होता, "मला नेहमीच असे वाटते की, जेव्हा आपण एखाद्या संतावर चित्रपट बनवत असतो, तेव्हा अभिनेता त्या पात्राची निवड करत नाही; तर ते पात्रच अभिनेत्याची निवड करते. माझ्या बाबतीतही मला असेच वाटते की, स्वतःची भूमिका साकारण्यासाठी बाबांनीच माझी निवड केली." या अभिनेत्याने दिग्दर्शक शरद सिंह ठाकूर यांची अनेक वर्षांची निष्ठा आणि संशोधन यालाही यशाचे श्रेय दिले. "शरदजींनी बाबांचे जीवन समजून घेण्यात अनेक वर्षे घालवली होती—त्यांच्यासोबत प्रत्यक्ष राहिलेल्या लोकांना भेटणे आणि अगदी त्यांच्या कुटुंबीयांशी संवाद साधणे अशा गोष्टी त्यांनी केल्या होत्या. त्या वर्षांमध्ये त्यांनी केलेल्या प्रत्येक अभ्यासाचा आणि जमा केलेल्या प्रत्येक तपशीलाचा त्यांनी माझ्याशी सविस्तर संवाद साधला. जेव्हा तुमचा दिग्दर्शक इतक्या सखोल तयारीसह तुमच्यासमोर येतो, तेव्हा तुम्हाला इतरत्र कुठेही पाहण्याची किंवा शोधाशोध करण्याची गरज उरत नाही. तुम्ही केवळ त्यांचे म्हणणे ऐकता आणि ती सर्व माहिती स्वतःमध्ये पूर्णपणे सामावून घेता." या भूमिकेकडे पाहण्याचा आपला दृष्टिकोन स्पष्ट करताना भावे यांनी नमूद केले होते, "एक अभिनेता म्हणून, तुम्हाला अनेकदा 'अभिनय' करण्याची इच्छा असते; परंतु इथे मात्र तुम्हाला काहीच करावे लागत नाही. जे काही करणे आवश्यक असते, ते बाबाच करतात—तुम्हाला फक्त समर्पित राहायचे असते आणि स्वतःला त्यांच्या चरणी पूर्णपणे अर्पण करायचे असते. या चित्रपटात जे काही घडले आहे किंवा साकारले गेले आहे, ते सर्व त्यांच्याच कृपेने माझ्या माध्यमातून घडले आहे, असे मला मनापासून वाटते. जर लोकांनी माझ्या अभिनयाचे कौतुक केले, तर तो बाबांचा आशीर्वाद आहे; आणि जर काही चुका झाल्या असतील, तर त्या माझ्या आहेत." शरद सिंह ठाकूर यांनी दिग्दर्शित केलेला 'श्री बाबा नीब करोरी महाराज' हा चित्रपट नीम करोली बाबा यांचे जीवन, त्यांची शिकवण आणि त्यांचा आध्यात्मिक वारसा यांचा वेध घेतो. श्रद्धा, करुणा आणि आंतरिक शांती यांचा त्यांचा संदेश अधिकाधिक लोकांपर्यंत पोहोचवणे, हा या चित्रपटाचा मुख्य उद्देश आहे. प्रेक्षकांनी या चित्रपटातील भक्तीमय वातावरण आणि भावनिक प्रामाणिकपणाचे विशेष कौतुक केले आहे; अनेक प्रेक्षकांनी या चित्रपटाला एक 'आध्यात्मिकदृष्ट्या अंतर्मुख करणारा आणि भावस्पर्शी अनुभव' असे संबोधले आहे. या चित्रपटात हितेन तेजवानी, समीक्षा भटनागर, मोहित गुप्ता, हेमंत पांडे, आरती नागपाल, वर्षा माणिकचंद, हरदीप कौर, अनिरुद्ध दवे आणि गरिमा अग्रवाल या कलाकारांनीही भूमिका साकारल्या आहेत. बलराम गर्ग, बलवीर सिंह, शरद सिंह ठाकूर, खडग सिंह गौर आणि नीलम सिंह यांनी निर्मित केलेला हा चित्रपट, 'PC Jeweller' आणि 'BSR Film Productions' यांच्या सहयोगाने 'Anisha Films International' द्वारे सादर करण्यात आला आहे. या चित्रपटाच्या अखिल भारतीय प्रदर्शनाची (All-India Release) जबाबदारी 'First Film Studios LLP' कडे सोपवण्यात आली आहे.