श्री ज्ञानेश्वर विद्यालय व ज्यु. कॉलेज या प्रशालेला तालुकास्तरीय गुणवत्ता संवर्धन अभियानअंतर्गत प्रथम क्रमांक

प्रतिनिधी-पुणे जिल्हा परिषद माध्यमिक शिक्षण विभाग तसेच माध्यमिक व उच्च माध्यमिक शाळा मुख्याध्यापक संघ यांच्या संयुक्त विद्यमाने सन 2025-26 मध्ये घेण्यात आलेल्या गुणवत्ता संवर्धन अभियानांतर्गत तालुकास्तर गट अ इयत्ता पाचवी ते बारावी या गटामध्ये खेड तालुक्यातून श्री ज्ञानेश्वर शिक्षण संस्था संचलित श्री ज्ञानेश्वर विद्यालय व जु.कॉलेज आळंदी देवाची या शाळेची प्रथम क्रमांकासाठी निवड करण्यात आली. तालुकास्तरीय समितीने खेड तालुक्यातील सर्व शाळांची तपासणी करून ही निवड केली.

पुरस्कार वितरण सोहळ्याचा समारंभ गुरुवार दि. 23 एप्रिल 2026 रोजी गणेश कला क्रीडा मंच पुणे येथे संपन्न झाला. या सोहळ्यासाठी शिक्षण क्षेत्रातील विविध मान्यवर उपस्थित होते. पुरस्काराचे वितरण महेश पालकर - शिक्षण संचालक महाराष्ट्र राज्य, डॉ. गणपत मोरे - उपसंचालक, पुणे विभाग, डॉ. भाऊसाहेब कारेकर - शिक्षणाधिकारी माध्य. शिक्षण विभाग पुणे जिल्हा परिषद , मुख्याध्यापक संघाचे राज्य सचिव नंदकुमार सागर, जिल्हाध्यक्ष प्रसाद गायकवाड व इतर मान्यवरांच्या हस्ते/ प्रमुख उपस्थितीमध्ये करण्यात आला.संस्कारक्षम, उपक्रमशील , दर्जेदार शिक्षण, धार्मिक व अध्यात्मिक ज्ञानाची जोड, कला व क्रीडा क्षेत्रात अग्रस्थानी असणाऱ्या या शाळेच्या यशात सर्व विद्यार्थी शिक्षक-शिक्षकेतर कर्मचारी, पालक, प्रशासन व संस्था पदाधिकारी या सर्वांचा सहभाग होता. या सर्वांच्या वतीने संस्था सचिव अजित वडगावकर,किसन ह.राठोड - प्राचार्य, पर्यवेक्षिका अनिता गावडे,संजय उदमले, विकास शिवले, अल्लाबक्ष मुलानी, गोविंद निळे यांनी हा पुरस्कार स्विकारला.