ज्ञानेश्वरी आरोग्यदायींनी, जीवनदायिनी ग्रंथ- अजित वडगावकर

आळंदी पुणे - श्री ज्ञानेश्वर जाधव यांच्या माध्यमातून तयार झालेल्या हस्तलिखित ज्ञानेश्वरी ग्रंथाचे प्रकाशन व त्यांचा सत्कार कार्यक्रम

‌शनिवार दिनांक 11 ऑक्टोंबर 2025 रोजी सकाळी 11 वाजता श्री श्वेतांबर स्थानकवासी जैन संघ आळंदी देवाची येथे ओळख ज्ञानेश्वरी परिवाराच्या वतीने पार पडला. याप्रसंगी श्री ज्ञानेश्वर शिक्षण संस्थेचे अध्यक्ष व आळंदीचे माजी नगराध्यक्ष सुरेश वडगावकर ,चरित्र समितीचे अध्यक्ष प्रकाश काळे, श्री ज्ञानेश्वर शिक्षण संस्थेचे सचिव अजित वडगावकर ,राम मंदिर आवेकर संस्थांनचे विश्वस्त अर्जुन मेदनकर ,बाबासाहेब गवारे ,ज्ञानेश्वर दिघे, नंदकुमार वडगावकर ,विश्वंभर पाटील, धनाजी काळे, अरुण कुरे व ज्ञानेश्वर जाधव यांचे कुटुंबातील सदस्य व आप्तेष्ट ,नातेवाईक उपस्थित होते. याप्रसंगी सर्व उपस्थितांनी हस्तलिखित ज्ञानेश्वरी ग्रंथाचे पूजन केले . सुरेश वडगावकर ,प्रकाश काळे ,अजित वडगावकर, बाबा गवारी ,नंदकुमार वडगावकर ,अर्जुन मेदनकर यांनी ज्ञानेश्वर जाधव यांचा शाल ,श्रीफळ ,पुष्पहार देऊन सत्कार केला. या निमित्ताने आपल्या मनोगतात अजित वडगावकर म्हणाले की आपण ज्ञानेश्वरी पारायण करतो, सार्थ ज्ञानेश्वरी अभ्यासतो. किंवा ज्ञानेश्वरी सप्रेम भेट देऊन प्रचार प्रसार करतो.परंतु आज ग्रंथराज ज्ञानेश्वरी हस्तलिखित करून त्याचे प्रकाशन व ज्यांनी ग्रंथ स्वहस्ते लिहिला त्यांचा सत्कार हा ऐक आगळावेगळा विषय या निमित्ताने अनुभवायला मिळतोय. त्यांचा सत्कार म्हणजे आपल्यातील संवेदनाचे प्रतीक आहे.ज्ञानेश्वर जाधव यांनी गेली चार-पाच महिने दररोज आठ ते दहा तास हा ग्रंथ लिहून पूर्ण केला.या ग्रंथाचे वैशिष्ट्य म्हणजे श्लोक हे लाल शाईने व ओव्या या निळ्या शाईने लिहिल्या. अतिशय स्वच्छ, सुवाच्च ,सुंदर अशा अक्षरात व सुंदर अशी मांडणी अतिशय प्रेमपूर्वक त्यांनी त्यात केली.म्हणूनच आज ओळख ज्ञानेश्वरी परिवाराने त्यांचा सत्कार येथे केला ते स्तुत्य आहे. याप्रसंगी बाबा गवारी,प्रकाश काळे, सुरेश वडगावकर यानी आपली मनोगते व्यक्त केली.सत्काराला उत्तर देताना ज्ञानेश्वर जाधव यांनी उपक्रम राबवीत असताना आलेले अनुभव सांगितले. तसेच आपल्या कुटुंबीयांनी यात साथ दिल्याचे कबूल केले व हा ग्रंथ माऊलींनीच माझ्याकडून करूवुन घेतला असे सांगितले. पसायदान वअल्पोहाराने कार्यक्रमाची सांगता झाली.