श्री ज्ञानेश्वर विद्यालयात विज्ञान व संगणक प्रदर्शनाचे उदघाटन

पुणे आळंदी 'नाते विज्ञानाशी.. मैत्री संगणकाशी' हे ब्रीद घेऊन विद्यार्थ्यांमध्ये विज्ञान आणि तंत्रज्ञानात स्वारस्य वाढवणे, सर्जनशील प्रतिभेचे अन्वेषण करणे, चौकटीच्या बाहेर विचार करण्यास प्रोत्साहित करणे, संगणक , रोबोटिक्स , AI ओळख करून घेणे .पाठ्यपुस्तकांच्या पलीकडे विज्ञान व संगणकाचे सखोल ज्ञान वाढवणे या उद्देशाने प्रदर्शनाचे आयोजन करण्यात आले होते.

श्री. इसाक सिखलगार मेकॅनिकल इंजिनिअरिंग एमआयटी (HOD ) यांच्या शुभ हस्ते प्रदर्शनाचे उद्‌घाटन संपन्न झाले. विज्ञान प्रदर्शनामध्ये इयत्ता पाचवी ते दहावीच्या विद्यार्थ्याचे 71 प्रकल्प मांडले होते. यामध्ये दळणवळण, ऊर्जा समस्या, शेती, जलशुद्धीकरण इ.विषयावर प्रकल्प मांडले. संगणक प्रदर्शनाच्या निमित्ताने रांगोळी प्रदर्शन व्हिडिओ क्लीप , नाटिका आयोजन करण्यात आले . विज्ञान अंतर्गत निबंध स्पर्धा, वक्तृत्व स्पर्धा व प्रश्नमंजुषा आदी स्पर्धांचे आयोजन करण्यात आले. याप्रसंगी श्री ज्ञानेश्वर शिक्षण संस्थेचे सचिव श्री अजित वडगावकर ,प्रशालेचे मुख्याध्यापक सुर्यकांत मुंगसे, उपमुख्याध्यापक किसन राठोड पर्यवेक्षिका अनिता पडळकर अनुजायीनी राजहंस, विज्ञान विभाग प्रमुख संजय उदमले, नारायण पिंगळे, संजय कंठाळे, मनिषा पवार ,कल्पना घोलप, आरती वडगणे, अनुराधा खेसे, योगेश मठपती, पूजा चौधरी, संगणक विभाग प्रमुख आल्हाट सर , उपप्रमुख स्वागती कदम , मोनिका जगताप, यमुना कुऱ्हाडे , प्रज्ञा यादव , सुजाता गोगावले , शेख . आय . एन , विज्ञान प्रयोगशाळा प्रमुख अरविंद शिंदे , राजू सोनावणे,अजित मेदनकर आदी उपस्थित होते. संगणक विभागात नाटिका व व्हिडीओ सादरीकरण झाले . उदघाटनानंतर प्रमुख पाहुणे .श्री इसाक शिखलगार यांनी वैदिक गणित रोबोटिक्स ,AI , हे भविष्यात गरजेचे आहे हे सांगितले . सचिव श्री अजित वडगावकर यांनी विज्ञानाच्या पलीकडेही ज्ञान असून तेही महत्वाचे आहे हे सांगितले . प्राचार्य श्री सूर्यकांत मुंगसे सर यांनी विद्यार्थ्यांमधील वैज्ञानिक दृष्टिकोन विकसित होऊन संशोधक निर्माण होतील असे मत व्यक्त केले व विद्यार्थ्यांना प्रोत्साहन देत शुभेच्छा दिल्या. राज्यस्तरावर इन्स्पायर अवॉर्ड सहभागी अनिशा अरविंद शिंदे हिचा सत्कार संपन्न झाला . मदर अँड सन्स च्या असिस्टंट मॅनेजर शिल्का सिंग यांनी विद्यार्थ्यांचे प्रकल्प पाहून त्यांचे कौतुक केले . कार्यक्रमाचे प्रास्ताविक संजय उदमले यांनी केले. तसेच सूत्रसंचालन योगेश मठपती यांनी केले व अनुराधा खेसे यांनी उपस्थितांचे आभार व्यक्त केले . .पसायदानाने कार्यक्रमाची सांगता झाली.