हरिद्वार ते महाराष्ट्र सायकल यात्रेचा प्रेरणादायी प्रारंभ

हरिद्वार-

योग साधक संजय वाघ (रा. रांजणी, ता. आंबेगाव) आणि नंदू जाधव (रा. केंदुर, ता. शिरूर) यांनी हरिद्वार येथून सायकलने परतीच्या प्रवासाला प्रारंभ केला आहे. योग साधना, आरोग्य जनजागृती व समाजप्रबोधनाचा संदेश घेऊन सुरू केलेल्या या धाडसी यात्रेचे सर्वत्र कौतुक होत आहे. या प्रसंगी आदरणीय श्री परमार्थ देवजी आणि श्री राकेश कुमार जी यांनी या दोन्ही योग साधकांना आशीर्वाद व शुभेच्छा दिल्या. त्यांच्या धैर्य, चिकाटी आणि सेवाभावाचे मनापासून कौतुक करत, “योगाचा प्रसार व प्रचार अधिक जोमाने करा,” असा प्रेरणादायी संदेश त्यांनी दिला.

हरिद्वारसारख्या पवित्र स्थळावरून सुरू झालेली ही सायकल यात्रा युवकांना योग, आरोग्य व सकारात्मक जीवनशैलीकडे प्रेरित करणारी ठरणार आहे. समाजात योगाबाबत जनजागृती घडवून आणण्याचा संकल्प घेऊन सुरू झालेला हा प्रवास अनेकांसाठी आदर्श ठरत आहे.